WAANDISHI WAHABARI WATAKIWA KUTUMIA VYEMA MAFUNZO WANAYOYAPATA.

Mwenyekiti wa Mtandao wa Redio za Jamii Tanzania –TADIO  ndugu PROSPER KWIGIZE akizungumza na washiriki wa mafunzo katika ukumbi wa TBA

  Mkufunzi Mwandamizi wa Radio za kijamii kutoka  Shirika la Umoja Wa Mataifa la Elimu, Sayansi na Utamaduni –UNESCO Bi Rose Mwalimu akifundisha.

Waandishi wa Habari kutoka Redio za Kijamii Tanzania wametakiwa kutumia

fursa zinazotolewa na Shirika la Umoja Wa Mataifa la Elimu, Sayansi na

Utamaduni –UNESCO- ili kuleta mabadiliko kwa Jamii.

Hayo yamesemwa na Mwenyekiti wa Mtandao wa Redio za Jamii Tanzania –TADIO  ndugu PROSPER KWIGIZE katika mafunzo yanayoendelea mjini Dodoma na kwamba  mafunzo ya kitaaluma kama hayo utolewa kwa kulipia ila UNESCO utoa mafunzo kama hayo bila malipo yoyote.

Amesema ni vyema kuthamini na kuzingatia elimu wanayoipata waandishi

katika mtandao wa TADIO na kuifanyia kazi kwa manufaa ya jamii.

Naye Mkufunzi Mwandamizi wa Radio za kijamii kutoka  Shirika la Umoja Wa Mataifa la Elimu, Sayansi na Utamaduni –UNESCO Bi Rose Mwalimu amewataka wamiliki wa vyombo vya habari nchini  kutoingilia uhuru wa  wanahabari katika vituo vyao kwa sababu vinaongozwa na sera na misingi ya taaluma ya habari.

Amesema ni vyema wanahabari wakawa huru katika kutimiza wajibu wao

kitaaluma ili kuihudumia jamii na kujiepusha na masuala binafsi.