UKAME UNAOENDELEA WAKWAMISHA MAENDELEO YA MITI WILAYA YA HAI

NA Agness Mchome

Hai

Wafanyakazi na watunzaji wa miti katika kitengo cha Green Tree Nurcery  eneo la boma wilayani Hai wamelalamika juu ya  ukame unaoendelea kuwa ni changamoto kubwa inayo sababisha maendeleo ya miti kikwama .

Wakizungumza na Boma hai fm wafanyakazi hao ambao ni Joyce Michael na  Abel Kweka wamezungumzia changamoto hiyo na kusema baadhi ya miti kwa sasa imekauka kwa kukosa maji hali inayopelekea wao kukosa baadhi ya mahitaji yao kwani wameajiriwa na wanategemea mshahara kutoka  katika kitengo hicho.

Kwa upande wake meneja wa kitengo hicho Baraka kweka  amesema kuwa kwa sasa hali ni ngumu kutokana na bili za maji kuongezeka hali inayosababisha miti hiyo kukosa maji mengi  na kushindwa kuuzika hivyo kupunguza wafanyakazi  ili kuepuka hasara.

Meneja huyo ameeleza kuwa kuna baadhi ya changamoto zingine ambazo ni pembejeo kama vile viriba kwa ajili ya kutunzia miti pamoja na pampu za maji ambapo amesema kuwa ni chache na zinapelekea uzalishaji kuwa mdogo na kipato kushuka.

Aidha Baraka ameiomba serkali kupunguza angalau bili za maji ili kufanya miti hiyo kupata maji kwa urahisi na kufanya biashara hiyo kukua zaidi na kufikia sehemu  ya kipato kikubwa.

HALI NGUMU YA BIASHARA YAZIDI KUTIKISA WAFANYA BIASHARA WILAYANI HAI

NA mwandishi; ZAINA ANDREA

HAI

Wafanyabiashara wadogo wadogo katika eneo la stendi ya Sanya juu wilayani hai wanapambana na hali ngumu ya biashara kutokana na kupanda kwa bei za bidhaa mbalimbali masokoni.

Akizungumza na radio boma fm mjasiriamali na mfanya biashara Jesca James, amesema kuwa kwa sasa wanafanya biashara kwa lengo la kulinda mtaji kutokana na hali ngumu ya biashara na wala sikwaajili ya kupata faida.

Amesema kupanda kwa bei ya Nyanya, vitunguu,matunda pamoja na usafirishaji wa bidhaa hizo pia ni changamoto kwao kwani wanafanyakazi bila ya kipato kinachowaridhisha katika kazi zao.

Aidha wamesema pamoja na hayo wanaendelea vizuri katika kutunza mazingira ya maeneo hayo kwa kutii sheria na taratibu zilizowekwa na serikali ya mamlaka ya mji mdogo wa Bomang’ombe.

Pia  Wameiomba serikali iwasaidie kwa kuwawezesha katika biashara zao ili kuendelea kijikimu kimaisha kupitia biashara zao za kila siku.